失業就要搵工，呢個過程每個人都經歷過。通常大家都喺網上面寄完履歷，就要等電話約去見面。但喺喺美國就有一位求職者等唔切，決定真人出馬派履歷。
喺7月下旬嘅時候，喺Google、Facebook、蘋果等等IT企業雲業嘅美國加利福尼亞州矽谷路上，出現咗同四周圍格格不入嘅景象。喺炎熱天氣下著住西裝手持寫著「HOMELESS HUNGRY 4 SUCCESS TAKE A RESUME」（無家可歸，渴望成功，取一份履歴）大紙牌，一位無家可歸嘅失業遊民David Casarez喺路邊求職。佢會向行經嘅車輛送上一份自己嘅履歷，呢個情景就首先引起咗一位女性注意。
David Casarez© 由 INTERNATIONAL LINKS LIMITED 提供 David Casarez
女性收咗一份履歷，然後喺車上偷偷影咗一張David 派履歷時候嘅相。隨後就將履歷同相片一齊上載去twitter，希望大家廣傳出去，能夠提供工作機會嘅人可以聯絡David。投稿一陣間就有超過13萬次轉發，獲得22萬讚好。結果有超過200間公司透過電郵聯絡David，希望邀請佢嚟工作。
Twitter圖片© 由 INTERNATIONAL LINKS LIMITED 提供 Twitter圖片
當然David事後亦都有喺twitter感謝所有人嘅幫忙，文中有提到自己都好意外會有咁多人對佢嘅際遇有興趣。當中都好有多人過往同佢遇上相似嘅困難，提供唔少意見比佢參考。其實David並不簡單，喺德州A&M大學畢業之後，就喺通用汽車工作三年嘅經驗，最終成為網頁程式員。離職後都繼續自由接工作，為其他人寫網頁。但可能收入未如理想，先逼到佢出此下策。 |
